د تخنيکي او مسلکي زده کړو ادارې څارنې پلاوي په خوست کې د انسټیټونو او مسلکي ښوونځيو وضعيت بررسی کړ
د تخنيکي او مسلکي زده کړو ادارې څارنې پلاوي د خوست ولايت تخنيکي او مسلکي زده کړو له مرکزونو څخه ليدنه وکړه.
د څارنې پلاوي په خوست ولایت کې د ورکشاپونو تجهیزات، درسي ټولګي او د انسټیټونو او مسلکي ښوونځیو اداري چارې بررسی کړي.
په خوست ولایت کې د تخنيکي او مسلکي زده کړو ادارې څارنې پلاوي هم د یاد ولايت له سيمه ييزو چارواکو سره ليدلي او خبرې اترې کړې دي.
د تخنيکي او مسلکي زده کړو ادارې د انسټیټونو او مسلکي ښوونځيو د وضعيت د څېړلو په موخه يو شمېر د څارنې پلاوي ولايتونو ته لېږلي دي.
