د تخنيکي او مسلکي زده کړو ادارې پلاوي ولايتونو ته سفر وکړ
د تخنیکي او مسلکي زده کړو ادارې د څارنې او ارزونې ریاست یوه پلاوي د تعلیمي او تحصیلي چارو د وضعیت د ارزونې په موخه ولایتونو ته سفر وکړ.
په یادو ولایتونو کې نورستان، دایکندي او خوست ولایتونه شامل دي.
نوموړو یادو ولایتونو ته د خپل سفر په ترڅ کې د تخنیکي او مسلکي زده کړو مرکزونو کارکوونکو او مسوولینو ته د ظرفیت لوړونې پروګرامونه ترسره کړل. دغه راز د ارزونې نوي فورمونه یې ور وپېژندل او د کارکوونکو پوښتنو ته یې هم ځوابونه وویل.
د مسؤلینو په وینا، ټاکل شوي چې دغه پلاوي به نورو ولایتونو ته هم سفر وکړي.
