د تخنيکي او مسلکي زده کړو ادارې پلاوي د کندهار د پنجوايي ولسوالۍ اړوند د سوداګرۍ لېسې وضعیت وڅېړه
د تخنيکي او مسلکي زده کړو ادارې څخه يو پلاوي د مولوي غلام سعيد احساس په مشرۍ کندهار ولايت ته د خپل سفر په ترڅ کې د یاد ولایت د پنجوايي ولسوالۍ اړوند د سوداګرۍ ليسې له وضعیت څخه ليدنه وکړه.
دغه پلاوي د کندهار ولايت د پنجوايي ولسوالۍ اړوند د سوداګرۍ لېسې ټول تحصيلي او تعلیمي اسناد وڅېړل او د دغه مرکز ستونزې او ننګونې يې هم له نېږدې څخه واورېدې.
دا په داسې حال کې ده، چې ياد پلاوي تر دې وړاندې هم د هېواد په بېلابېلو ولايتونو کې د تخنيکي او مسلکي زده کړو له مرکزونو ليدنه کړې او د يادو مرکزونو د ستونزو او ننګونو د هواري ژمنه يې هم کړې ده.
