د تخنيکي او مسلکي زده کړو ادارې سرپرست د لوړو زده کړو وزارت له سرپرست سره وکتل
د تخنیکي او مسلکي زده کړو ادارې سرپرست مولوي غلام حیدر شهامت د لوړو زده کړو وزارت له سرپرست شیخ ندا محمد ندیم سره په خپل کاري دفتر کې وکتل.
په دې کتنه کې د هېواد د ښوونېز او تحصیلی سکټور د ودې لپاره د دواړو ادارو ترمنځ د همکاريو په باب خبرې وشوې.
ښاغلي شهامت په دولتي پوهنتونو کې د تخنیکي او مسلکي زده کړو د مرکزونو د فارغانو د یو کلن تنزیل پرته د جذب غوښتنه وکړه.
همدارنګه د تخنيکي او مسلکي زده کړو ادارې سرپرست د لوړو زده کړو وزارت له مشرتابه څخه وغوښتل، چې په پوهنتونو کې د انسټیټونو او مسلکي لېسو د فارغانو د جذب په موخه دې احتصاصي کانکور آزموينه په لاره واچوي.
د هېواد د لوړو زده کړو وزارت سرپرست د یاد وزارت د تخنیکي او مسلکي زده کړو له ادارې سره د هر اړخیزو همکاریو ډاډ ورکړ.
