د بلخ د نفتو او ګازو انسټیټوټ محصلینو ته د برښنا په اړه په عملي بڼه روزنه ورکړل شوه
د بلخ ولایت د نفتو او ګازو انسټيټوټ د برښنا څانګې محصلینو د یاد ولایت نایب اباد سب سټیشن ته د یو علمي سفر په ترڅ کې د برېښنا په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د ولټاژ، ټرانسفارمرونو او سب سټیشن د تجهیزاتو په اړه په مفصله توګه توضیحات وړاندې کړل.
عملي زده کړې له محصلینو سره مرسته کوي تر څو محصلین له فراغت وروسته د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
