د اکاډمیکو چارو مرستیال د کابل انرژۍ او اوبو له انسټیټوټ څخه لیدنه وکړه
د تخنيکي او مسلکي زده کړو ادارې اکاډمیکو چارو مرستيال استاد نورمحمد عزيزي د کابل انرژۍ او اوبو له انسټیټوټ څخه ليدنه وکړه.
ښاغلي عزیزي د دغه انسټیټوټ له استادانو سره په کتنه کې د هغوی ستونزې او وړاندیزونه واورېدل.
استادانو د تخنیکي او مسلکي زده کړو ادارې مشرتابه څخه کادری معاشونو او حق الزحمی موضوع ته د پاملرنې غوښتنه وکړه. د اکاډمیکو چارو مرستيال ژمنه وکړه، چې په خپل واک په ساحه کې به د دې ستونزې د حل لپاره هڅې وکړي.
نوموړي دغه راز له استادانو وغوښتل، چې د زده کړیالانو عملي کارونو ته دې جدي پاملرنه وکړي.
ښاغلي عزيزي د زده کړیالانو ستونزې هم واورېدې د انرژۍ او اوبو انسټيټوټ امر ته يې لارښوونه وکړه، چې د دغه انسټیټوټ د ليليې ستونزې ژر تر ژره حل کړي.
