د اکاډمیکو چارو مرستیال د ولایتونو آمرینو سره ناسته ترسره شوه
د تخنیکی او مسلکی زده کړو ادارې د اکاډمیکو چارو مرستیال نورمحمد عزیزي د ولایتونو تخنیکی آمرینو سره غونډه ترسره شوه.
په دې ناسته کې په سړو سیمو کې د انسټیټونو او ښوونځیو درسونو د پیل او د ولایتي امرینو ستونزو په اړه خبرې وشوې.
ښاغلي عزيزي وويل، چې د پلان له مخې ټاکل شوې ده، چې په سړو سيمو کې درسونه د ١٤٠١ لمريز کال د وري په دریمه نېټه پيل شي. د هغه په وينا، دا مهال د ګرمو سیمو درسونه روان دي.
د اکاډمیکو چارو مرستیال د امرینو د ستونزو په اړه وويل، چې په دې برخه کې هڅې روانې دي.
هغه زياته کړه، چې د ستونزو د هواري په موخه به په نږدې راتلونکي کې په کابل کې يو سيمينار جوړ کړي او د ولايتونو د ستونزو د ارزونې لپاره به يو با صلاحيته پلاوى وګومارل شي.
ښاغلي عزیزي په دې وروستیو کې ډاډ ورکړ چې د ژمنې له مخې د افغانستان ا.ا به د پوهنې، تخنیکي او مسلکي زده کړو په برخه کې د هېواد ټولو وګړو ته د باکیفیته ښوونیزو خدمتونو د وړاندې کولو په برخه کې هېڅ ډول هڅې ونه سپموي.
