د اوبو او انرژۍ انسټیټوټ د سیرت النبي ﷺ سیالي ترسره کړه
د سیرت النبي ﷺ سیالي د تخنیکي او مسلکي زده کړو ادارې د اوبو او انرژۍ انسټیټوټ لخوا ترسره شوه.
دغه سیالي د کابل د اوبو او انرژۍ په انسټیټوټ کې د دریو ښوونیزو مرکزونو د ۵۰۰ تنه ګډون کوونکو په شتون ترسره شوه.
د دغې برنامې په پيل کې د دفتر ریاست د اطلاعاتو او عامه اړيکو آمر نجيب الله امين خبرې وکړې. هغه ځوانان وهڅول چې دیني او عصري علوم زده کړي.
ښاغلي امین همدا راز زیاته کړه چې د عصري او دیني علومو ترمنځ هیڅ توپیر نشتون نه لري.
د غونډې په دوام کې د اوبو او انرژی انسټیټوټ آمر رفیع الله حبیبي د سیرت النبی ﷺ د سیالۍ د ترسره کولو پر څرنګوالي خبرې وکړې او د دغې سیالۍ د شفافیت په اړه یې ډاډ ورکړ.
