د تخنیکي او مسلکي زده کړو ادارې اصلاحی غونډه ترسره شوه
د تخنیکي او مسلکي زده کړو ادارې اونیزه اصلاحی غونډه د کارمندانو په ګډون سره د یادې ادارې په عمومي تالار کې ترسره شوه.
په دې ښوونیز پروګرام کې د تخنیکي او مسلکي زده کړو ادارې د دعوت او ارشاد رئیس ښاغلي مفتي نجم الدین حقانی، د اصلاحی پروګرامونو د ارزښت په اړه خبرې وکړې.
نوموړي په خپله وینا کې وویل چې اصلاحی پروګرامونه مؤمنانو سره مرسته کوي ترڅو هغوی خپلې تېروتنې وپیژني او یادې تېروتنې اصلاح کړي.
مفتي حقاني همدارنګه ټینګار وکړ چې له فساد څخه د یو مؤمن د نفس اصلاح کیدل د یوې ټولنې د اصلاح کیدو لامل کېدای شي.
په دوام کې، مفتي نجم الدین د بېلابېلو موضوعاتو لکه د لمونځ ادا کولو پر مهال د نظم مراعات کولو او غوره اخلاقو په اړه هم بحث وکړ او پروګرام د دعایې په ویلو سره پای ته ورسید.
د تخنیکي او مسلکي زده کړو ادارې، دعوت او ارشاد ریاست د شنبې پر ورځو اصلاحی غونډه ترسره کوي چې په یاد روزنیز پروګرام کې پر اخلاقي، عقیدوي، دیني او ټولنیزو موضوعاتو بحث کېږي.
