د لغمان ولایت اړوند مرکز کثیرالرشتوي انسټيټوټ کې د عملي زدهکړو بهیر
د تخنیکي او مسلکي زده کړو اداره په خپل ښوونیزو مرکزونو کې د عملي زده کړو په وړاندې کولو سره هوډ لري ترڅو له دې لارې د ځوانانو د پیاوړتیا او د کار بازار ته د هغوی د چمتووالي زمینه برابره کړي.
د عملي زده کړو ارزښت ته په پام سره، د لغمان ولایت مرکز کثیرالرشتوي انسټيټوټ د برق څانګې محصلینو د تخنیکي او مسلکي زده کړو مرکزونو د عملي زده کړو په چوکاټ کې د بريښنایي وسایلو د ترمیم کولو په اړه په عملي ډول روزنه ترلاسه کړه.
دغه راز لارښود استاد محصلینو ته دAC او DC برښنايي انورترونو په هکله هراړخیز توضیحات وړاندې کړل او د نوموړو پوښتنو ته یې ځوابونه هم وویل.
د یادونې وړ ده چې د تخنیکي او مسلکي زده کړو په مرکزونو کې پر مهارتمحوره او عملي زده کړو ډیر تمرکز کېږي، تر څو زدهکوونکي وکولای شي مستقیماً د کار بازار ته جذب شي او د هېواد په اقتصادي وده کې مثبت رول ولوبوي.
