د تخنیکي او مسلکي زده کړو ادارې کارمندانو ته تعلیمي چهارچوب معرفي شو
د یو ښوونیز سمینار په ترڅ کې د تخنیکي او مسلکي زده کړو ادارې اړوند د څارنې او ښوونیز نصاب ریاستونو کارمندانو ته، ښوونیز چهارچوب سیسټم معرفي شو.
یاد سیمینار د تخنیکي او مسلکي زده کړو ادارې د کارکوونکو چارو ریاست لخوا د کابل ښار د ښوونې او روزنې پوهنتون په همکارۍ د دې ادارې د ۱۸ تنه کارمندانو لپاره ترسره شو.
د یادونې وړ ده چې په دې سیمینار کې د تخنیکي او مسلکي زده کړو ادارې او د کابل ښار د ښوونې او روزنې پوهنتون مسلکي او متخصص ترینرانو ګډونوالو ته د کریډیټ او ماډیولار سیسټم په اړه توضیحات وړاندې کړل.
دا په داسې حال کې ده چې د تخنیکي او مسلکي زده کړو ادار د کارکوونکو چارو ریاست تل هڅه کوي تر څو د دې ادارې د بیلابیلو برخو کارمندانو لپاره د هغوی د ظرفیت لوړولو په موخه ښوونیز سیمینارونه او ورکشاپونه جوړ کړي.
