د سرپل ولایت اړوند د کرنې او وترنرۍ انسټیټوټ محصلینو ته قطرهای اوبو لګولو او د نیالګیو پيوند کولو میتود معرفي شو
د سرپل ولایت اړوند کرنې او وترنري انسټیټوټ د کرنې څانګې محصلینو ته د پرکتیکې دورې په چهارچوب کې د یاد ښوونیز مرکز په تحقیقاتي فارم د قطرهای اوبو لګولو او د نیالګیو د پیوند کولو په اړه روزه ورکړل شوه.
د دې عملي درس په ترڅ کې، لارښود استاد محصلینو ته د قطرهای اوبو لګولو اهمیت او ارزښت او همدارنګه د نیالګیو د پیوند کولو څرنګوالي په اړه مفصل توضیحات وړاندې کړل.
نوموړي د دې ډول اوبو لګولو اهمیت ته په اشارې سره، محصلینو ته وویل چې؛ قطرهای اوبه لګولو میتود یو مدرن او مؤثر میتود دی چې په کې اوبه په مستقیم ډول او په کم مقدار سره د پایپونو او څاڅکو له لارې د نباتاتو ریښو ته رسول کیږي.
دغه راز د درس په دوام کې، محصلینو هم په دې برخه کې خپلې پوښتنې او سوالونه له لارښود استاد سره شریکې کړې چې د هغوی پوښتنو ته د استاد له لوري جامع ځوابونه هم ورکړل شول.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
