د لغمان ولایت د مرکز کثیرالرشتوي انسټیټوټ محصلینو ته د بریښنا په اړه روزنه ورکړل شوه
د لغمان ولایت د مرکز اړوند کثیرالرشتوي انسټيټوټ د بریښنا څانګې محصلینو ته د یاد مرکز د عملي کارونو په ورکشاپ کې د بریښنا په اړه په عملي بڼه روزنه ورکړل شوه.
همدارنګه، د درس په دوام کې، نوموړو د استاد لخوا د بریښنایی موتورونو او په بریښنایی موټورونو کې د بریښنا تولید د څرنګوالي په اړه نظري او عملي روزنه ترلاسه کړه.
دغه راز لارښود استاد د درس په ترڅ کې د محصلینو پوښتنو او سوالونو ته په دې برخه کې ځوابونه هم وویل
د تخنیکي او مسلکي زده کړو په مرکزونو کې د روزنې لویه برخه عملي ده، له همدې امله د تخنیکي او مسلکي زده کړو مرکزونو فارغان له فراغت څخه وروسته په مستقیم ډول د کار بازار ته جذب کیږي.
برېښنا په نننۍ نړۍ کې د انسانانو یو له خورا مهمو او اساسي اړتیاوو څخه ګڼل کېږي. د بریښنا، د تولید، لیږد او مصرف کولو طریقې په ټوله نړۍ کې د افرادو او صنعتونو د مختلفو اړتیاوو د پوره کولو لپاره کارول کیږي.
