د غزنی ولایت د کرنې او وترنرۍ انسټيټوټ د فوټبال سیالیو تورنمنټ پای ته ورسېد
د فوټبال سيالیو تورنمنټ چې د غزنی ولایت د کرنې او وترنرۍ انسټيټوټ لخوا د بېلابېلو مکاتبو او انسټيټوټونو د محصلينو ترمنځ په لاره اچول شوې و، د يو لړ مراسمو په ترڅ کې پای ته ورسېد.
د غونډې ویناوالو د ورزش په برخه کې د ځوانانو هڅې وستایلې او له هغوی یې وغوښتل چې خپلو زده کړو ته د رسیدګۍ په برخه کې هم ژمن پاتې شي.
د مراسمو په پای کې د ټورنمنټ غوره محصلینو او لوبغاړو ته د غزني ولایت د کرنې او وترنرۍ انسټيټوټ د ورزشي کمیټې له خوا جایزې او ډالۍ ورکړل شوې.
