د انرژۍ او اوبو انسټيټوټ محصلینو د علمي سفر په ترڅ کې د جبل الرسراج بریښنا فابریکې څخه لیدنه وکړه
د کابل د انرژۍ او اوبو انسټيټوټ محصلینو د کابل ولایت د تخنیکي آمر استاد رفیع الله حبیبي او د انرژۍ او اوبو انسټيټوټ آمر ښاغلي نجیب الله سلیمي په حضور کې د جبل السراج د بریښنا بند څخه لیدنه وکړه.
په دغه علمي سفر کې محصلینو ته د برښنا بندونو د بیلابیلو برخو په اړه معلومات ورکړل شول او استادانو محصلینو ته د بریښنا د تولید د څرنګوالي په اړه په مفصل او عملي بڼه توضیحات ورکړل.
استاد رفیع الله حبیبي وايي، بېلابېلو ساحاتو ته د محصلینو علمي سفر د دوی د زده کړې لپاره ډېر ګټور دي.
محصلینو هم د بریښنا بندونو ته د علمي سفر څخه خوښي څرګنده کړه او له مسؤلینو څخه یې وغوښتل چې د دا ډول سفرونو زمینه د دوی لپاره مساعده کړي.
