د تخنیکي او مسلکي زده کړو ادارې سره د دفاع وزارت مرسته
د کابل اتومیخانیکي اکاډمۍ لسګونه جرېبه ځمکې هوارول د دفاع وزارت په مرسته پیل شول.
د دغه پروګرام د پلي کولو موخه، تخنیکي او مسلکي زده کړو انستیتونو ته شنې ساحې او د څېړنیزو فارمونو جوړول یاد شوي دي.
د دغه پروګرام د پرانیستلو په مراسمو کې، مفتي فضل الرحمن فاضل د تخنیکي او مسلکي زده کړو ادارې د مالي او اداري چارو مرستیال، قاري عنایت الله رحماني، د ملي دفاع وزارت، انجینري لواء رئیس ارکان، همدارنګه د کابل ولایت د دفتر مقام رئیس، ګډون او خبرې وکړې.
د مالي او اداري چارو مرستیال، چې په دغه مراسمو کې یې وینا کوله، د دفاع له وزارت څخه د اتومیخانيکي اکاډمۍ د ساحو اوارولو له کبله مننه وکړه. ښاغلي مفتي فاضل زیاته کړه، اوس مهال، ملکي او نظامي برخې د یوبل تر څنګ افغانستان ته خدمت کوي.
نوموړي د اتومیخانیکي اکاډمۍ او د هغه د مخینې په اړه توضېحات ورکړل، ویې ویل: اتومیخانیکي اکاډمي په هېواد کې د تخنیکي او مسلکي زده کړو له مهمو مرکزونو څخه ګڼل کیږي.
همدارنګه، د دفاع وزارت انجینری لواء رئیس ارکان په خپله وینا کې د حکومت لاسته راوړنو ته په اشارې سره وویل « موږ شپه او ورځ د وطن خدمت کولو ته تیاریو».
په همدې توګه، د کابل ولایت تخنیکي آمر استاد رفېع الله حبیبي، د اتومیخانیکي اکاډمۍ د هوارولو په هکله توضېحات ورکړل، ویې ویل چې د دغه پروګرام په پای ته رسېدلو سره شنې ساحې ته ښه زمینه برابريږي.
نوموړي زیاته کړه په اوس حال کې ۱۸۰ جرېب ځمکه د دغه زده کړې مرکز په اختیار کې ده، نوره د زورځواکانو له لوري غصب شوې.
همدارنګه ښاغلي حبیبي صاحب، له اتومیخانیکي اکاډمۍ سره د دفاع وزارت له مرستې مننه وکړه، او د اتومیخانیکي اکاډمۍ ساحې هوارولو ته دفاع وزارت، د انجینری لېواء له خاصې پاملرنې یې مننه وکړه.
ددغه پروګرام د پرانیستې مراسم، افغانستان ته د خیر په دعا سره پای ته ورسېدل، او د هوارولو چارې رسما پیل شوې.
د یادولو وړ ده چې د دفاع وزارت، انجینري لواء ماشینري به مخکې د پوستو جوړولو او د جنګ د شدت لپاره استعمالېده، اوسمهال د افغانستان د ښېرازی لپاره استعمالېږي.
