له مفتي اظهارالحق حقاني سره د تخنیکي او مسلکي زده کړو ادارې د سرپرست مرکه
محترم مولوي غلام حیدر شهامت د تخنیکي او مسلکي زده کړو ادارې سرپرست، په خپل کاري دفتر کې د اسلامي امارت د فرمانونو او حکمونو د تعقیب او نظارت د عمومي ریاست، د تدقیق او مطالعاتو له رئیس، مفتي اظهارالحق حقاني سره لیدنه او خبرې اترې وکړې.
دواړو لورو په دغه لیدنه کې په بېلابېلو موضوع ګانو لکه د هېواد په اقتصادي وده او کارموندنه کې د تخنیکي او مسلکی زده کړو په رول باندې خبرې وکړې.
ښاغلي مولوي شهامت، په دغه ناسته کې د تخنیکي او مسلکي زده کړو ادارې د لاسته راوړنو او پروګرامونو په هکله توضېحات ورکړل، نوموړي په دغه اداره کې د متخصصو او مسلکي کسانو له جذب او ملاتړ څخه یادونه وکړه.
له بل پلوه ښاغلي حقاني د تخنیکي او مسلکي زده کړو ادارې د زده کړو او لاسته راوړنو قدرداني وکړه، او زیاته یې کړه چې تخنیکي علوم دهېواد د پرمختګ لپاره اړین او باید د دغه زده کړو ډېر ملاتړ وشي.
