د لنډ مهاله حرفوي کورسونو د زده کوونکو فراغت مراسم ترسره شول
د تخنیکي او مسلکي زده کړو ادارې له لنډ مهاله حرفوي کورسونو څخه نږدې سلو تنو د فراغت سندونه ترلاسه کړل.
دوی ته په عملي او نظري ډول د موبایل ترمیم او خیاطۍ په برخه کې د دریو میاشتو په موده کې زده کړي ترلاسه کړې دي.
دغه مراسم نن د کابل ښار ١٣مې ناحيې کثيرالرشتوي انسټیتوټ کې د تخنيکي او مسلکي زده کړو ادارې د حرفوي برنامو د سمون ریاست مسوولينو په حضور کې ترسره شول.
د دغه ادارې د حرفوي کورسونو د سمون آمر رحمت الله مسجدي په دغه پروګرام کې وويل: په اوسنيو شرايطو کې د حرفوي پروګرامونو جوړول د افغانستان د خلکو يوه اړتیا ده، ځکه دغه پروګرامونه د اقتصادي څان بسیاینې لپاره ډېر مهم دي.
اوس مهال تخنيکي او مسلکي زده کړو اداره په يو شمېر ښوونيزو مرکزونو کې لنډ مهاله حرفوي پروګرامونه دوام لري.
