په کندهار کې د تخنیکي او مسلکي زده کړو آمریت له روزنیز کورس څخه ۱۶۱ تنه مجاهدین فارغ شول
په کندهار کې د اسلامي امارت ۱۶۱ تنه مجاهدین د یاد ولایت د تخنیکي او مسلکي زده کړو آمریت له لوري له درې میاشتني روزنیز کورس څخه فارغ شول.
دغه مجاهدينو د دريو مياشتو په موده کې د کندهار په تخنيکي انسټیټوټ کې اداري، مديريت، کمپيوټر او انګليسي ژبې مهارتونه په نظري او عملي ډول زده کړل.
تردې وړاندې هم د کندهار ولایت تخنیکي او مسلکي زده کړو آمریت لخوا د اسلامي امارت مجاهدینو او نویو ګمارل شویو کارکوونکو لپاره دری روزنیز کورسونه په لاره اچول شوي وو.
تر اوسه له دغه روزنیزو کورسونو څخه یو زر ۱۱ تنه فارغ شوي دي.
د تخنیکي او مسلکي زده کړو ادارې د مشرتابه لارښوونو پربنسټ د دغه ادارې آمریتونه د هیواد په اکثرو ولایتونو کې د اسلامي امارت مجاهدینو ته روزنیز کورسونه په لاره اچولې دي.
