په لوګر ولایت کې د ملي دفاع وزارت د منسوبینو لپاره د ادارې او مدیریت روزنیز پروګرام پیل شو

په لوګر ولایت کې د مجاهدینو لپاره د ادارې او مدیریت د روزنیز پروګرام په دوام؛ دا ځل په لوګر ولایت کې د مجاهدینو او د دفاع وزارت د منسوبینو لپاره د ادارې او مدیریت روزنیز پروګرام پیل شو.

د لوګر ولایت د تخنیکي او مسلکي زده کړو آمریت چارواکي وايي، چې د دې پروګرام د فراغت دورې په پای کې به فارغانو ته سندونه هم ورکړل شي.

د تخنيکي او مسلکي زده کړو د ادارې له خوا چمتو شوې او د ریاست الوزرا د مقام له خوا منظور شوې طرحې پر بنسټ، مجاهدين کولاى شي د زده کړې لپاره د تعليمي سویې له تثبیت وروسته په ټول هېواد کې د تخنيکي او مسلکي زده کړو په مرکزونو کې شامل شي.

دا پروګرام په داسې حال کې په لوګر ولایت کې پیل شوی، چې د لوګر ولایت د تخنیکي او مسلکي زده کړو آمریت چارواکو د مجاهدینو لپاره د ګڼو روزنیزو پروګرامونو د جوړولو اعلان هم کړی دی.