په ساختمان کې د ډیجیټل سویچونو کارولو په اړه محصلینو ته عملي روزنه
د سرپل ولایت د نفتو او ګازو د انسټیټيوټ د بریښنا څانګې محصلینو ته د ساختمان د ویرینګ سیسټم کې د ډیجیټلي سویچونو کارولو په اړه په عملي ډول زده کړه ورکړل شوه.
لارښود استاد محصلینو ته په استوګنو کورونو کې د ډیجیټل سویچ د نصبولو، د ویرنګ لپاره د اړتیا وړ سیم محاسبه کول او د استوګنو کورونو د لاین سیسټم د نقشې د چمتو کولو په اړه په عملي ډول توضیحات ورکړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
