په ارزګان کې د مجاهدینو لپاره د ادارې او مدیریت د روزنیز پروګرام پیل
د ارزګان ولایت د تخنیکي او مسلکي زده کړو آمریت مسؤلین په دغه ولایت کې د مجاهدینو لپاره د اداري او مدیریت روزنیز پروګرام د پیل خبر ورکوي.
د دوى په وينا، دغه پروګرام د مرکز كثیرالرشتوي انسټيټيوټ كې پيل شوى، چې په افتتاحې مراسمو كې يې يو شمېر سيمه ييزو مقاماتو او مشرانو هم حضور درلود.
په همدې حال کې د ارزګان ولایت امنیه قوماندان ښاغلي حاجي خالد په دې مراسمو کې د خبرو پر مهال د مجاهدینو د زده کړو په برخه کې د تخنیکي او مسلکي زده کړو ادارې له پاملرنې مننه وکړه.
نوموړي په دغه پروګرام کې له ګډون کوونکو مجاهدینو څخه وغوښتل چې د اصولو او قوانینو په اساس په ټولګي کې حضور ولري او له دې فرصت څخه ډېره ګټه پورته کړي.
دغه پروګرام په ارزګان ولایت کې په داسې حال کې پیل شوی چې دمجاهدینو لپاره دتخنیکي او مسلکي زده کړو په ګڼو مرکزونو کې د ادارې او مدیریت روزنیز پروګرام د زده کړې لړۍ دوام لري.
