د کاپیسا ولایت د تخنیکي او مسلکي زده کړو آمریت او برښنا ریاست ترمنځ د ګډو همکاریو تفاهم لیک لاسلیک شو
د کاپیسا ولایت د تخنیکي او مسلکي زده کړو آمریت دیاد ولایت له برښنا ریاست سره د ګډو همکاریو تفاهم لیک لاسلیک کړ.
د یاد تفاهم لیک پر بنسټ به د کاپیسا برښنا ریاست د تخنیکي او مسلکي زده کړو مرکزونو محصلینو او زده کوونکو ته د دغه ریاست په اړونده سب استیشنونو او تأسیساتو کې د عملي زده کړو زمینه برابره وي.
په دې تفاهم لیک کې همداراز راغلي چې محصلین کولای شي د برښنا ریاست له اړونده داغمه وسایلو څخه د عملي زده کړو په برخه کې کار واخلي او خپلو عملي زده کړو ته دوام ورکړي.
له بلې خوا د محصلینو لپاره د پرمختللو ښوونیز سیمینارونو جوړول او په لاره اچول د دغه تفاهم لیک له موادو څخه دي.
دا په داسې حال کې ده چې، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو مرکزونو د زده کوونکو لپاره د عملي کارونو په برخه کې اسانتیاوې رامینځ نه کړي.
