د کاپیسا د تخنیکي زده کړې مرکزونو له مسؤلینو سره د تخنیکي او مسلکي چارو مرستیال لیدنه وکړه
ښاغلی مولوي غلام سعید احساس، د تخنیکي او مسلکي چارو مرستیال، کاپیسا ولات ته په خپل سفر کې د تخنیکي او مسلکي زده کړو مرکزونو له مسؤلینو سره لیدنه او خبرې اترې وکړې.
نوموړي په دغه ناسته کې وویل ښونیز نظام په هېواد کې ډېر ارزښت لري، زیاته یې کړه، چې په هېواد کې تخنیکي او مسلکي زده کړې ډېر کار او هلوځلو ته اړتیا لري.
د تخنیکي او مسلکي چارو مرستیال همدارنګه په اوسنیو شرایطو کې د عصري علومو زده کړې اړینې وبللې او زیاته یې کړه چې زده کوونکي باید په اسلامي عقیده و روزل شي.
په دغه ناسته کې، د چارو د سمون په موخه، د کاپیسا ولایت د تخنیکي او مسلکي زده کړو مرکزونو مسؤلینو ته د یاد پلاوي له خوا پرزنتیشن وړاندې شو.
