د چپرهار کرنې مسلکي انسټيټوټ د محصلینو فراغت غونډه ترسره شوه
د ننګرهار ولایت اړوند د چپرهار کرنې مسلکي انسټيټوټ د محصلینو او متعلمینو فراغت غونډه ترسره شوه.
دغه مراسم د چپرهار کرنې مسلکي انسټيټوټ د انسټيټوت او لیسې له دورو څخه د کابو ۷۸ تنو زده کوونکو د فراغت په پار ترسره شول.
په دې مراسمو کې د ننګرهار ولایت سیمهییزو چارواکو، علمای کرامو، د محصلینو والدینو او د یاد ولایت د تخنیکی او مسلکی زده کړو آمریت مسؤلینو هم حضور درلود.
د ننګرهار ولایت د تخنیکي او مسلکي زده کړو آمر د غونډې په ترڅ کې ټينګار وکړ چې، ځوانان د ټولنې په پرمختګ کې اساسي رول لوبوي او بايد د هېواد د پرمختګ لپاره لا زيات کار وکړي.
د غونډې نورو ويناوالو هم د تخنيکي او مسلکي زده کړو پر ارزښت ټينګار وکړ او غونډه فارغ شويو ځوانانو ته د ستاینلیکونو په ورکولو سره پای ته ورسېده.
