د پارون کثیرالرشتوي انسټيټوټ د محصلینو فراغت غونډه ترسره شوه
د نورستان ولایت اړوند د پارون کثیرالرشتوي انسټيټوټ د محصلینو فراغت غونډه ترسره شوه.
دغه مراسم د پارون کثیرالرشتوي انسټيټوټ له بیلابیلو تخنیکي څانګو څخه د کابو ۸۸ تنو محصلینو د فراغت په پار ترسره شول.
په دې مراسمو کې د نورستان ولایت سیمهییزو چارواکو، د محصلینو والدینو او د یاد ولایت د تخنیکی او مسلکی زده کړو آمریت مسؤلینو هم حضور درلود.
ويناوالو په دې مراسمو کې وويل، ځوانان د ټولنې په پرمختګ کې اساسي رول لوبوي او بايد د هېواد د پرمختګ لپاره لا زيات کار وکړي.
د غونډې نورو ويناوالو هم د تخنيکي او مسلکي زده کړو پر ارزښت ټينګار وکړ او غونډه فارغ شويو ځوانانو ته د ستاینلیکونو په ورکولو سره پای ته ورسېده.
