د نرخ په کثیرالرشتوي انستيتوت کې لنډ مهاله حرفوي پروګرام پيل شو
د میدان وردګو ولایت د نرخ والسوالۍ اړوند کثیرالرشتوي انسټيټوټ کې د موټرسایکل ترمیم لنډ محاله حرفوي پروګرام پیل شو.
د ددې پروګرام په پیل کې د نرخ کثیرالرشتوي انسټيټوټ آمر ښاغلي امان الله عمرخیل د یاد پروګرام ګډون کوونکو ته د نوموړي پروګرام په هکله بشپړ معلومات وړاندې کړل.
دا په داسې حال کې ده چې د د زده کوونکو د عملي زده کړو لپاره وسایل او امکانات برابر شوي دي تر څو زده کوونکي خپل عملي درسونه په سمه توګه ترلاسه کړي.
د تخنیکي او مسلکي زده کړو په مرکزونو کې ډیری زده کړې عملي دي، له همدې امله د تخنیکي او مسلکي زده کړو د مرکزونو فارغین په مستقیم ډول د کار بازار ته جذب کېږي.
