د میدان وردګو ولایت دایمیرداد کثیرالرشتوي انسټیټوټ کې د محصلینو د عملي زده کړو څرنګوالی
د میدان وردګو ولایت دایمیرداد کثیرالرشتوي انسټیټوټ د ساختماني څانګې محصلینو د یوې درسي جلسې په ترڅ کې د تهداب لپاره د خاورې ډکولو په اړه په عملي بڼه روزنه ترلاسه کړه.
د دې درسي جلسې په جریان کې، لارښود استاد محصلینو ته د کندن کارۍ د حجم او د تهداب خاورې په اړه توضیحات ورکړل.
نوموړي دغه راز د کندن کارۍ د حجم په اړه وضاحت ورکړ چې؛ "د کندن کارۍ حجم" د خاورې یا موادو هغه حجم ته ویل کېږي چې د کندن کارۍ په جریان کې له یوې ځانګړې سیمې څخه ایستل کیږي.
په دوام کې، محصلینو هم خپلې پوښتنې او سوالونه له لارښود استاد سره شریکې کړې او د استاد له لوري د هغو پوښتنو ته جامع ځوابونه هم ورکړل شول.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
