د میدان وردګو ولایت اړوند جلریز کثیرالرشتوي انسټيټوټ د زده کوونکو د عملی زده کړو بهیر
د میدان وردګو ولایت اړوند جلریز ولسوالۍ کثیرالرشتوي انسټيټوټ د یوولسم ټولګي زده کوونکو ته د «نباتاتو د دوا پاشۍ » په اړه په عملي بڼه روزنه ورکړل شوه.
لارښود استاد د درس په ترڅ کې، زده کوونکو ته د «د بیلابیلو نباتاتو د دوا شیندنې د څرنګوالي » په اړه هم مفصل توضیحات وړاندې کړل.
دغه راز په دوام کې زده کوونکو په عملي بڼه په کرم نبات باندې د نارغیو ضد دوا د کارولو طریقه زده کړه او عملا یې دغه فعالیت ترسره کړ.
د زده کوونکو په کاري راتلونکي کې د عملي زده کړو اهمیت او ارزښت ته په پام سره، د تخنیکي او مسلکي زده کړو مرکزونو کې ۶۰ سلنه زده کړې په عملي ډول وړاندې کیږي. دا زده کړې د زده کړیالانو د حرفوي مهارتونو په لوړولو کې مهم او ارزښتناک رول لوبوي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
