د میدان وردګو داکټر عبدالوکیل کثیرالرشتوي انسټیټوټ په شنه خونه کې د بادرنګو کښت په اړه عملي روزنه
د میدان وردګو ولایت د ډاکټر عبدالوکیل کثیرالرشتوي انسټیټوټ د کرنې څانګې، دولسم ټولګي زده کونکي د نظری زده کړو له زده کولو وروسته د دې تخنیکي مرکز شنه خونې «ګرین هاوس» ته واستول شول ترڅو خپلې روزنه په عملي ډول پلي کړي.
په دې عملي فعالیت کې، زده کونکو د لارښود استاد په همکارۍ د شنه خونې «ګرین هاوس» دننه د کرنیزو اصولو سره سم د بادرنګو د کښت کندې جوړې کړې.
دا په داسې حال کې ده چې د تخنیکي او مسلکي زده کړو ادارې رهبري تل د عملي زده کړو پر پیاوړتیا ټینګار کوي او د زده کونکو ته د داسې فرصتونو چمتو کولو لپاره لومړیتوب ورکوي.
دا ډول عملي زده کړې د زده کونکو د ظرفیت لوړولو او په ریښتیني کاري چاپیریال کې د علمي نظریاتو په پلي کولو کې مهم رول لوبوي، او د کرنې په برخه کې د ماهر او متخصص کاري ځواک د روزنې لپاره زمینه برابروي.
