د مومند درې کرنې مسلکي انسټیټوټ محصلینو د «ګني» د کښت په اړه روزنه ترلاسه کړه
د ننګرهار ولایت د مومند درې مسلکي انسټیټوټ د کرنې څانګې محصلینو ته د «موسمي نباتاتو د کښت او پالنې» په اړه په عملي بڼه روزنه ورکړل شوه.
لارښود استاد د دې درسي جلسې په ترڅ کې، نوموړو ته د «ګني د پالنې، کرلو څرنګوالي او په اقتصاد کې د هغې د اهمیت» په اړه مفصل توضیحات وړاندې کړل.
دغه راز د درس په دوام کې، د استاد لخوا د محصلینو پوښتنو او سوالونو ته ځوابونه هم وړاندې شول.
عملي زده کړې له محصلینو سره مرسته کوي ترڅو نوموړي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې مشرتابه تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
