د لغمان قرغیو ولسوالۍ کثیرالرشتوي انسټیټوټ وضعیت وڅېړل شو
د تخنیکي او مسلکي زده کړو ادارې پلاوي لغمان ولایت ته په خپل سفر کې د قرغیو ولسوالۍ کثیرالرشتوي انسټیټوټ وضعیت وڅېړه.
دغه پلاوي د صنفونو او زده کړیالانو له عملي کارونو لیدنه وکړه.
مفتي فضل الرحمن فاضل د تخنیکي او مسلکي زده کړو ادارې د مالي او اداري چارو مرستیال په دغه لیدنه کې د زده کړیالانو ستونزې او وړاندیزونه واورېدل، او د حل لارو وعده یې ورکړه.
ولایتونو ته د تخنیکي او مسلکي زده کړو ادارې د پلاوي د سفر موخه په ولایتونو کې د تخنیکي او مسلکي زده کړو مرکزونو ستونزو او مشکلاتو ته د حل لاره پیدا کول ګڼل شوي دي.
مخکې هم دغه پلاوي د پروان، کاپیسا او ننګرهار ولایتونو ته سفر کړی و.
