د فراه ولایت مرکز کرنې او وترنري انسټیټوټ محصلینو د څارویو ناروغیو د تشخیص په اړه روزنه ترلاسه کړه
د فراه ولایت مرکز کرنې او وترنرۍ انسټیټوټ د وترنرۍ څانګې محصلینو د تخنیکي او مسلکي زده کړو مرکزونو د عملي زده کړو په چوکاټ کې د څارویو د التهابونو او ناروغیو د تشخیص په اړه په عملي بڼه روزنه ترلاسه کړه.
لارښود استاد د درس په ترڅ کې محصلینو ته د ناروغیو د تشخیصي ماشینونو په کارولو سره په څارویو کې د التهابونو او ناروغیو د تشخیص او درملنې په اړه مفصل توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده، څرنګه چې د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
له همدې امله، د تخنیکي او مسلکي زده کړو ادارې رهبرۍ تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
