د عملي روزنو د زده کړې په موخه د میټر لوستلو په دورو کې د محصلینو ګډون
د کاپیسا ولایت معاون انجینري انسټيټوټ د برق څانګې محصلینو ته د عملي زده کړو په ترڅ کې د میټر د ویرنګ کولو او د میتر لوستلو د څرنګوالي په اړه روزنه وړکړل شوه.
نوموړو عملأ د یاد ولایت د برښنا ریاست له کارکوونکو سره د میټر لوستلو په دورو کې ګډون وکړ او له متخصصینو څخه یې د میټرونو د ډولونو په شمول د بیلابیلو موضوعاتو په اړه عملي زده کړې تر لاسه کړې.
د تخنیکي او مسلکي زده کړو په مرکزونو کې عملي زده کړې د دې مرکزونو فارغانو ته د کار زمینه برابروي. له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
