د سرپل ولایت د کرنې او وترنرۍ انسټیټوټ محصلینو ته د لابراتواري تجهیزاتو په اړه روزنه ورکړل شوه
د سرپل ولایت اړوند کرنې او وترنرۍ انسټیټوټ د وترنرۍ څانګې محصلینو ته د لابراتواري وسایلو او تجهیزاتو په اړه په عملی بڼه روزنه ورکړل شوه
لارښود استاد د درس په ترڅ کې محصلینو ته د لابراتواري وسایلو په اړه مفصل توضیحات وړاندې کړل او د محصلینو پوښتنو ته یې ځوابونه وویل.
همداراز په دې درسي غونډه کې، لارښود استاد نوموړو ته د مایکروسکوپ او د څارویو د ناروغیو د تشخیص لپاره د مایکروسکوپ د کارولو څرنګوالی تشریح کړ.
عملي زده کړې له محصلینو سره مرسته کوي تر څو محصلین له فراغت وروسته د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
