د سرپل ولایت د کرنې انسټيټوټ د زده کونکو لخوا د نباتي ناروغیو د مخنیوي په اړه عملي زده کړې!
د سرپل ولایت د کرنې او وترنرۍ انسټیټیوټ زده کونکو د بیلابیلو نباتي ناروغیو او د ناروغیو څخه د نباتاتو د مخنیوي د لارو چارو په اړه عملي روزنه ترلاسه کړه.
لارښود استاد د دې درسي غونډې په ترڅ کې، زده کونکو ته د نباتاتو د خارجي برخو لکه "پاڼو، ریښو، ساقه یا تنې او ګلونو"په اړه مفصل او هر اړخیز توضیحات ورکړل.
سربیره پردې، استاد د درس په دوام کې زده کونکو ته د نباتاتو د شپشک ناروغیو څخه د اخته کیدو مخنیوی د څرنګوالي په اړه په عملي بڼه روزنه ورکړل شوه.
دا په داسې حال کې ده چې د تخنیکي او مسلکي زدهکړو ادارې رهبري تل هڅه کوي چې عملي زدهکړې په خپلو مرکزونو کې پلي کړي او د کار بازار لپاره چمتو، متخصص او ماهر کاري ځواک وروزي. دا ډول فعالیتونه ددې ادارې په اړونده مرکزونو کې د یادې کړنې د تطبیق یوه روښانه بیلګه ده.
