د ریل پټلۍ نصاب د تدوین ورکشاپ پیل شو
د ریل پټلۍ د انسټیټوټ د نصاب د تدوین او پراختیا ۳۰ ورځنی ورکشاپ د تخنیکي او مسلکي زده کړو ادارې د نصاب په ریاست کې پیل شو.
په دې ورکشاپ کې د تخنیکي او مسلکي زده کړو د مرکزونو ۱۰ تنه استادان او د ریل پټلۍ پنځه تنه کارکوونکي ګډون لري.
د دغه ورکشاپ ګډونوال د ۳۰ ورځو په موده کې د ریل پټلۍ د انسټیټوټ د تعلیمي نصاب په تدوین او پراختیا کار کوي.
په پام کې ده چې د تخنیکي او مسلکي زده کړو اداره د ریل پټلۍ له ادارې سره په همغږۍ د ریل پټلۍ یو انسټیټوټ جوړ کړي.
