د خوست ولایت د تخنیکي او مسلکي زده کړو مرکزونو او نورو دولتي ادارو مسؤلینو ته يو ورځنی سمینار تر سره شو
د خوست ولایت دتخنيکي او مسلکي زده کړو آمریت په نوښت د خوست ميخانيکي انسټيټوټ کمپوټر لیب کې، د دولتي ادارو د کارکوونکو د ظرفیت لوړونې په پار د پلان جوړونې او ګزارش ورکونې اړوند روزنیز سمینار تر سره شو.
په یاد ښوونیز سیمینار کې ګډونږالو ته د پلان جوړونې بنسټیز اصول، د مؤثر راپور لیکنې تګلارې، او د راپور ورکونې لپاره اړین تخنیکي مهارتونه ور وپېژندل شول.
د سمینار روزونکو ټینګار وکړ، چې د پلان جوړونې او راپور ورکونې سمه پروسه د پرمختګ بنسټ جوړوي او د شفافیت، حساب ورکونې او ستراتیژیکو موخو په ترلاسه کولو کې مهم رول لوبوي.
په ورته وخت کې، ګډونوال هم د دې روزنېز سیمینار څخه خوښي وښوده او ویې ویل چې دا ډول برنامې نه یوازې د دوی مسلکي مهارتونه غښتلي کوي، بلکې د ادارو ترمنځ همغږي او همکاري هم زیاتوي.
د يادونې ده، چې په دغه سمینار د بېلابېلو انسټيټوټونو او لیسو آمرینو او تدریسي مدیرانو برخه اخیستې وه او د پروګرام له موضوعاتو څخه برخمن شول.
