د تخنیکي او مسلکي زده کړو ادارې د پلان له رئیس سره یونسکو پلاوي وکتل
د ملګرو ملتونو د علمي، فرهنګي او ښوونیز سازمان (یونسکو) او ATR کمپنۍ یوه پلاوي د تخنیکي او مسلکي زده کړو ادارې د پلان او ستراتیژیکو همغږۍ له رئیس ښاغلي مولوي نیک محمد نیکمل سره وکتل.
په دغه کتنه کې، تخنیکي او مسلکي زده کړو ادارې د ښوونیزو مرکزونو د وضعیت د تحلیل په هکله خبرې وکړې.
د ATR موسسه د تخنیکي او مسلکي زده کړو ادارې د ښوونیزو مرکزونو د وضعیت د تحلیل پروژې مسولیت پرغاړه لري. دغه موسسه به له تودو سيمو څخه د غه ادارې د ښوونیزو مرکزونو د تحليل کار پيل کړي.
د يونسکو د ښوونې او روزنې د پروژې مسوول ښاغلي دنیس وويل چې دغه نهاد به د تخنيکي او مسلکي زده کړو د ادارې د ښوونیزو مرکزونو د وضعيت له څيړنې وروسته؛ به د ظرفیت د لوړولو په برخه کې له دغه ادارې سره کار وکړي
د تخنیکي او مسلکي زده کړو ادارې د پلان او ستراتیژیکو همغږۍ رئیس له دغه ادارې سره د یونسکو د همکاریو قدرداني وکړه.
هغه د لا زیاتې همغږۍ لپاره د دواړو لورو ترمنځ د همکاریو پر دوام ټینګار وکړ.
