د تخنیکي او مسلکي زده کړو ادارې د اکادمیک بورد غونډه ترسره شوه
د تخنيکي او مسلکي زده کړو ادارې اکادمیک بورد غونډه د یادې ادارې د تخنيکي او مسلکي چارو مرستيال ښاغلي مولوي غلام سعيد احساس په مشرۍ ترسره شوه.
د دې ناستې په پيل کې د اکادمیک بورد د تېرې غونډې پرېکړې وڅېړل شوې او اړوندو څانګو د خپلو کړنو راپورونه وړاندې کړل.
په ورته وخت کې، محصلینو او متعلمینو چارو ریاست د لیلیې او بدل اعاشې د بیاکتل شوې مسوده وړاندې کړه چې د بورد غړو دورباندې بحث وکړ. په دوام کې، د نصاب ریاست د طبع او نشر رهنمود د مسودې په اړه خپل نظرونه وړاندې کړل.
همداراز، د تحقیق او نوښت ریاست د کارموندنې او مشوره ورکولو مرکزونو د جوړولو لپاره د پلي کولو میکانیزم د مسودې په اړه خپل ځانګړي نظرونه د غړو سره شریک کړل.
په پای کې، د نن ورځې په غونډه کې په ځینو مهمو او متفرقه موضوعاتو هم بحث او د نظرونو تبادله وشوه. او غونډه د پورته ذکر شویو اسنادو د نهایی کولو او په اړوندو څانګو کې د هغوی د اغیزمن پلي کولو په ټینګار سره پای ته ورسیده.
