د تخنیکي او مسلکي زده کړو ادارې اړوند د استادي بستونو لپاره ازموینه واخیستل شوه
د تخنیکي او مسلکي زده کړو ادارې له لوري د کمپیوټر ټیکنالوژۍ په انستیتوت کې د څلور استادي تشو بستونو لپاره د متخصص او مسلکي کسانو د جذب په موخه رقابتي ازموینه واخیستل شوه.
په دې ازموینه کې شاوخوا ۵۰ تنه متقاضیانو برخه اخیستې وه، ټاکل شوې ده چې د نوموړو کسانو څخه به د دوو مرحلو په ترڅ کې ازموینه واخیستل شي او وروسته له دې ازموینو د کمپیوټر ټیکنالوژۍ انستیتوت په د استادي بستونو کې مقررشي.
د یادونې وړ ده چې د تخنیکي او مسلکي زده کړو ادارې د کارکوونکو چارو ریاست مسؤلینو هم د دې ازموینې د ترسره کولو په پروسه کې د شفافیت ډاډ ورکوي.
دا په داسې حال کې ده چې د تخنیکي او مسلکي زده کړو ادارې رهبري تل ټینګار کوي چې د دې ادارې اړوند د استادانو او کارمندانو د ګمارنې پروسه باید د آزادې سیالۍ له لارې ترسره شي.
