د تخنیکي او مسلکي زده کړو ادارې او آقاخان بنسټ د تخنیکي ټیمونو غونډه ترسره شوه
د تخنیکي او مسلکي زده کړو ادارې د کارکوونکو او آقاخان بنسټ ترمنځ تخنیکي غونډه د دواړو خواوو ترمنځ د همکارۍ د څرنګوالي په اړه ترسره شوه.
په دغې کتنه کې د تخنيکي او مسلکي زده کړو ادارې د پلان او ستراتيژيکې همغږۍ رئيس مولوي نيک محمد نېکمل او د آقاخان بنسټ رئيس ډاکتر نجم الدين هم حضور درلود.
د دغې غونډې د ترسره کولو موخه د دواړو نهادونو د کاري ساحو، ستراتیژیو او کاري میتودونو معرفي کول وو او د دواړو خواوو تخنیکي ټیمونو پرزنټیشنونه وړاندې کړل.
د آقاخان بنسټ مشر وویل، دغه بنسټ پلان لري چې د تخنیکي او مسلکي زده کړو په برخه کې یوه پروژه پیل کړي.
تخنیکي او مسلکي زده کړو ادارې د پلان او ستراتیژیکې همغږۍ رئیس د دغې پروژې د تطبیق په برخه کې د هراړخیزو همکاریو ژمنه وکړه.
