د تخنيکي او مسلکي زده کړو ادارې پلاوي د بدخشان ولایت د تخنيکي زده کړو له مرکزونو څخه ليدنه وکړه
د تخنيکي او مسلکي زده کړو ادارې مالي او اداري مرستيال مفتي فضل الرحمن فاضل، بدخشان ولايت ته د خپل سفر په ترڅ کې د یاد ولایت د تخنيکي او مسلکي زده کړو مرکزونو له وضعیت څخه لیدنه وکړه.
په همدې حال کې محترم مفتي فاضل او ورسره پلاوي یې د بدخشان ولایت د ځانګړو زده کړو له لېسې څخه ليدنه وکړه او ددغه ښوونيز مرکز په زده کوونکو يې قرطاسیه او درسي توکي هم وويشل.
دغه ولایت ته د تخنیکي او مسلکي زده کړو ادارې د پلاوي د سفر موخه د تخنیکي او مسلکي زده کړو د مرکزونو د ستونزو د حل او اړتیاوو په ګوته کول دي.
