د تخنيكي او مسلکي زده كړو ادارې د برنامو د څېړنو او كيفيت تضمین رئیس د تركيې پوهنې بنسټ له مشر سره وکتل
په افغانستان کې د ترکیې د پوهنې بنسټ رئیس علي کاراګوز د تخنیکي او مسلکي زده کړو ادارې د برنامو د څیړنو او کیفیت تضمین له رئیس دلاور درمل سره وکتل.
په دغه کتنه کې چې د تخنیکي او مسلکي زده کړو ادارې د پلان او ستراتیژیکي همغږۍ رئیس مولوي نیک محمد نیکمل هم حضور درلود، ښاغلي درمل د کار بازار د تحلیل په ګډون د دغه ادارې د څیړنیزو پروګرامونو په اړه خبرې وکړې.
د ترکیې پوهنې بنسټ رئیس د کار بازار د وضعیت د ارزونې په برخه کې د تخنیکي او مسلکي زده کړو له ادارې سره د همکارۍ ډاډ ورکړ.
نوموړي د ترکيې تخنيکي او مسلکي زده کړو په برخه کې خپلې کاري تجربې ته په اشارې سره وويل، چې د افغانستان تخنیکي او مسلکي زده کړو له ادارې سره به خپلې تجربې شريکې کړي.
