د بلخ د نفتو او ګازو انسټیټوټ محصلینو ته د برقي وسایلو په اړه عملی روزنه ورکړل شوه
د بلخ ولایت د نفتو او ګازو انسټيټوټ د برق څانګې محصلینو ته د برقي وسایلو په اړه په عملي بڼه روزنه ورکړل شوه.
لارښود استاد د درس په ترڅ کې، نوموړو ته د بریښنایی وسایلو او همدارنګه د برق اندازه کولو وسایلو د اصول او کارولو په اړه هم په مفصله توګه توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل هڅه کوي، تر څو د تخنيکي او مسلکي زده کړو په مرکزونو کې عملي زده کړې لا پياوړې کړي.
