د ادارې او حسابدارۍ په انسټیټوټ کې د تخنیکي او مسلکي زده کړو د مرکزونو د ښه والي لپاره د نمونوي پلان پلي شو
د ادارې او حسابدارۍ په انسټیټوټ کې د تخنیکي او مسلکي زده کړو د مرکزونو د ښه والي پلان د بېلګې په توګه پلي کېږي.
د پلان او ستراتیژیکو همغږۍ ریاست د تغییر مثبت مؤسسې په همکارۍ دا پلان په کابل کې په دوو انسټیټونو کې پلي کوي.
کومه برنامه چې د ادارې او حسابدارۍ په انسټیټوټ کې د دغه پلان د تطبیق په موخه په لاره اچول شوې وه؛ د تخنيکي او مسلکي زده کړو ادارې د پلان او ستراتيژيکي همغږۍ رياست د دغې ادارې د ستراتيژۍ او د تخنيکي او مسلکي زده کړو د مرکزونو د ښه والي پلان په اړه يو سيمينار وړاندې کړ.
په دغه سمینار کې د تخنیکي او مسلکي زده کړو د مرکزونو د ښه والي پلان د چمتو کولو او پلي کولو په اړه خبرې وشوې.
تر دې وړاندې د تخنیکي زده کړو مرکزونو د ۲۰ تنه کارکوونکو په یوه پنځه ورځني سمینار کې د تخنیکي او مسلکي زده کړو د مرکزونو د ښه والي پلان د چمتووالي او تطبیق په اړه زده کړې تر لاسه کړې دي.
د تخنيکي او مسلکي زده کړو ادارې د تخنيکي او مسلکي زده کړو د مرکزونو د ښه والي په موخه د "تخنيکي او مسلکي زده کړو د مرکزونو د ښه والي پلان" تدوین کوي.
