دمالي او اداري چارو مرستیال له لوري د غوربند، سیاګرد کثیرالرشتوي انستیتوت وڅېړل شو
د تخنیکي او مسلکي زده کړو ادارې یو پلاوی د مالي او اداري چارو مرستیال، ښاغلي مفتي فضل الرحمن فاضل په ریاست د پروان ولایت د تخنیکي او مسلکي زده کړو مرکزونو د لیدلو په اوږدو کې د سیاګرد غوربند کثیرالرشتوي انستیتوت وضعیت وڅېړه.
دغه پلاوي د زده کړې مرکز ټول اسناد وڅېړل، د مالي او اداري چارو مرستیال د چارو د سمون به موخه مسؤلینو ته اړینې لارښوونې وکړې.
همدارنګه د مالی او اداري چارو مرستیال په دغه مرکز کې د ارشاد او دعوت د فعالیتونو ستاینه وکړه.
دغه پلاوي مخکې هم د پروان ولایت د تخنیکي او مسلکي زده کړو له نورو مرکزونو څخه لیدنه کړې ده، په پلان کې ده چې دغه پلاوی د نورو مرکزونو د څېړلو لپاره نورو ولایتونو ته لکه کاپیسا او ننګرهار ته سفر وکړي.
د دغه سفر موخه، د تخنیکي او مسلکي زده کړو په مرکزونو کې ستونزو او مشکلاتو ته د حل لارې پیدا کول ګڼل شوې ده.
