د میدان وردگ ولایت اړوند په چک کثیرالرشتوي انسټيټوټ کې درې میاشتني لنډ مهاله حرفوي روزنیز پروګرام پای ته ورسید
د میدان وردگ ولایت اړوند په چک کثیرالرشتوي انسټيټوټ کې درې میاشتنی لنډ مهاله روزنیز پروګرام چې د یاد ښوونیز مرکز لخوا د ۲۲۰ تنه زده کوونکو لپاره پیل شوی و، پای ته ورسید.
د یاد ښوونیز پروګرام ګډونوالو د تخنیکي او مسلکي زده کړو ادارې څخه د مننې ترڅنګ د دغه پروګرام د بیا په لاره اچولو او دوام غوښتنه هم وکړه.
د دې ښوونیز پروګرام د ترسره کولو څخه موخه، ځوان نسل ته د تخنیکي زده کړو د زمینې برابرول او د نوموړو د پوهې کچې لوړول ویل شوي دي.
د يادونې وړ ده، چې يادو زده کوونکو د کمپیوټر، انګلسي ژبې، فزیک، د او ریاضیاتو په برخو کې د فراغت تصدیقونه ترلاسه کړي.
لنډ مهاله حرفوي پروګرامونه د تخنيکي او مسلکي زده کړو ادارې له بنسټیزو پروګرامونو څخه دي، چې تر اوسه يې په سلګونو کسان له دغو پروګرامونو څخه فارغ شوي او د کار په بازار کې پر دندو بوخت دي.
