د تخار ولایت مرکز کثیرالرشتوي انسټیټوټ
د تخار ولایت مرکز کثیرالرشتوي انسټیټوټ په لومړیو کې د ښځینه کثیرالرشتوي انسټیټوټ په نوم تأسیس شو چې په ۱۴۰۱ هجرې لمریز کال کې مرکز کثیرالرشتوي انسټیټوټ نوم ته تغییر شو، د ادارې او تجارت، بانکدارۍ او کمپیوټرساینس په څانګو کې له لسم (۱۰) څخه تر څوارلسم (۱۴) ټولکي پورې (لیسې او انسټیټوټ دوره) کې زده کوونکي او زده کړیالان په تخنیکي او مسلکي بڼه روزي.
لومړنې معلومات: د تخار ولایت مرکز کثیرالرشتوي انسټیټوټ ودانۍ (۲۰) درسي او ادارې خونې لري، او همدارنګه اوبه او زرغونه ساحه یې د مهمو برخو څخه ګڼل کېږي.
جوړښت اړوند معلومات: د تخار ولایت مرکز کثیرالرشتوي انسټیټوټ په ټوله کې (۴) تنه کارکوونکي لري. چې (۱) تنه استادان، (۲) تنه ادارې کارکوونکي او (۱) تنه خدماتي کارکوونکي دي.
جنسیت له مخې استادانو تفکیک: د تخار ولایت مرکز کثیرالرشتوي انسټیټوټ کې (۱) تن نارینه استادان د تدریس چارې مخ ته وړي.
تحصیلي څانګې: یاد انسټيټوټ (۳) څانګه (اداره او تجارت، بانکدارې او کمپیوټر ساینس) لري، چې (۲۰۶) تنه زده کوونکي او زده کړیالان په یادو څانګو کې په تخنیکي او مسلکي زده کړو بوخت دي.
لابراتوار: د تخار ولایت مرکز کثیرالرشتوي انسټیټوټ د زده کوونکو او زده کړیالانو د عملي زده کړو لپاره (۱) باب مجهز لابراتوار لري.
بدل اعاشه: دغه انسټیتوټ کې (۲۰۶) تنه زده کړیالان په زده کړو بوخت دي، چې له دې جملې څخه (۱۳) تن د بدل اعاشې په نوملړ کې شامل دي.
د تخنیکي او مسلکي زده کړو خپلواکه اداره ژمنه دی چې د خپلو مسلکي زده کړو له لارې د هېواد تنکیو ځوانانو ته په بازار کې د کار زمینه برابره کړي.
دغه اداره د انسانې ځواک پراختیا او د هېواد اقتصادې ودې په برخه کې هم کار کوي.