د تخنیکی او مسلکی زده کړو ادارې د اکاډمیګو چارو مرستیال د لوړو زده کړو وزارت د علمي چارو د معین سره ولیدل
د تخنیکي او مسلکي زده کړو ادارې د اکاډمیکو چارو مرستیال ښاغلی نور محمد عزیزی د لوړو زده کړو وزارت د علمي چارو مرستیال له ښاغلی خیرالله خیرخواه سره وکتل.
په دې کتنه کې ښاغلي عزيزي د تخنیکي او مسلکي زده کړو ادارې د زده کړه ییزو خدمتونو د ښه والي په خاطر غوښتنې او وړانديزونه وړاندې کړل او له لوړو زده کړو وزارت څخه يې وغوښتل چې د تخنيکي او مسلکي زده کړو ادارې د زده کوونکو، د ښوونځیو او د انسټیټونو د فارغانو لپاره د کانکور ځانګړې ازموينه په لاره واچوي.
د اکاډمیکو چارو مرستیال دغه راز دلوړو زده کړو له وزارت څخه وغوښتل چې دتخنيکي او مسلکي زده کړو ادارې داستادانو لپاره دماسترۍ او دوکتورا په بورسونو کې يوه ځانګړی سهمیه په پام کې ونیسی.
ښاغلي عزیزي د ټینګار وکړ زده کړه ییزو بنسټونو ترمنځ پر همکارۍ او همغږۍ د ټینګار ترڅنګ وړاندیز وکړ چې په دې برخه کې دې د لوړو زده کړو وزارت، پوهنې وزارت او د تخنیکي او مسلکي زده کړو له ادارې څخه یوه ګډه کمېټه جوړه شي.
